17 Dekabr 2017
Bazar günü

Bu gün Əzizə Cəfərzadənin doğum günüdür - FOTOLAR

29.12.2016 11:18

Bu gün yazıçı, ədəbiyyatşünas, ictimai xadim, filologiya elmləri doktoru, professor Əzizə Cəfərzadənin doğum günüdür. O, 1921-ci il dekabrın 29-da  Bakıda anadan olub.

ATV.az xəbər verir ki. O, ibtidai təhsilini 25 saylı məktəbdə alıb, sonra teatr texniki məktəbində və ikiillik müəllimlər institutunda oxuyub,1942-1944-cü illərdə Ağsu rayonundakı Çaparlı kəndində müəllim işləyib. Azərbaycan Dövlət Universitetinin filologiya fakültəsini bitirib. C.Cabbarlı adına "Azərbaycanfilm" kino studiyasında və digər vəzifələrdə çalışıb.

Əzizə Cəfərzadə XIX əsr Azərbaycan ədəbiyyatı tarixinin bilicisi kimi tanınırdı və bu sahədə 1950-ci ildə "XIX əsr Azərbaycan ədəbiyyatında maarifçi-ziyalı surətləri" mövzusunda namizədlik, sonra "XIX əsr Azərbaycan poeziyasında xalq şeiri üslubu" mövzusunda doktorluq dissertasiyaları müdafiə edib.

Ədəbi fəaliyyətə 16 yaşında başlamış və "Əzrayıl" adlı ilk hekayəsini 1937-ci ildə "Ədəbiyyat" qəzetində çap etdirib.

O, əsasən tarixi roman janrında yazıb.  "Natəvan haqqında hekayələr", "Aləmdə səsim var mənim", "Vətənə qayıt" ,"Yad et məni","Bakı-1501" , "Cəlaliyyə" , "Sabir", "Eldən elə" , "Bir səsin faciəsi" "Gülüstan"dan öncə", "Zərrintac-Tahirə", "İşığa doğru" ,"Bəla" , "Rübabə-sultanım" , "Xəzərin göz yaşları", "Eşq Sultanı" və digər kitabları oxuculara yaxşı tanışdır.

Ömrünün 82-ci ilində dünyasını dəyişmiş yazıçı öz vəsiyyətinə əsasən Hacıqabul rayonunun Tağılı kəndində valideynləri, həyat yoldaşı və qardaşlarının uyuduqları məzarlıqda dəfn edilib.

ATV.az

 


Bu xəbərləri də oxu

87 yaşlı qocanın 27 yaşlı həyat yoldaşı: - “60 yaş fərq heç nəyi dəyişmir” - FOTOLAR

Maradona Kriştianu Ronaldunu "yıxıb-sürüdü"

Ronaldinyo siyasətə qoşulur

Oxunma sayı:

Oxşar xəbərlər

Mədəniyyət

REDAKTORUN SEÇİMİ