ritn
ritn
ritn
29 Aprel 2017
Şənbə


Bakının məşhur küçə ifaçısı - Günə 70-100 manat qazanır... - VİDEO - FOTOLAR

12:55

“İşimiz işdir” layihəsi bu dəfə sizi gənc bir küçə ifaçısı ilə tanış edəcək.

ATV.az bildirir ki, Ələmdar Qələndərov bir ildən çoxdur ki, küçə ifaçısı kimi fəaliyyət göstərir. Onu paytaxdakı parklarda, piyada keçidlərində gitara ifa edən zaman görə bilərsiniz. 23 yaşlı gənc çörək pulunu gitara ilə çıxarır. Qazancı ilə ailəsinə dəstək olur.

- Gitara çalıb-oxumaq. Buna həvəs deyək, yoxsa məcburiyyət?

- Musiqi məndə həvəsdir. Bu həvəs uşaq yaşlarımda formalaşıb. İkinci sinifdə oxuyanda piano təhsili almağa başlamışam. Daha sonra baritonda çalmağı öyrənmişəm və nahəyət gitara... 1 ildən çoxdur ki, gitarada səlist çala bilirəm.

- Pianinodan gitaraya keçid çətin olmadı ki?

- Yox, gitarada müsuqi ifa etmək elə də çətin deyil. Mən gitara çalmağı 2-3 aya internetdən öyrənmişəm. Bunun üçün ayrıca təhsilim yoxdur. Sonra başladım gitarada çalıb-oxumağa. Dediyim kimi, bu işdə həvəs əsas rol oynayır.

- Küçə ifaçısı olmağın hansı çətinlikləri var?

- Çətinliyi odur ki, havalar soyuq olanda parklarda çalıb-oxumaq olmur. Məcbur olursan ki, piyada keçidlərinə düşəsən. Amma keçidlərin hamısında bizə icazə yoxdur. Səsim də buna imkan vermir. 3-4 saat fasiləsiz oxuduğum zaman səsim batır. Onun açılması üçün bir neçə gün gözləməli oluram. Həftədə maksimum iki dəfə belə ifa edirəm.

- Qazancınız nə qədər olur?

- Günə 70-100 manat arası qazanıram. Amma əlavə işlərim də olur. Arada şənliklərə, klublara da dəvət alıram. Həm özümü idarə edirəm, həm da ailəmə dəstək oluram.

- Küçədə tanıdığınız birini  görəndə nə hisslər keçirirsiniz?

- Dost-tanış görəndə bəzən utanıram. Amma burada heç bir ayıb iş yoxdur. Mən zəhmətimlə pul qazanıram.

- Gələcəklə bağlı planlarınız nədir?

- Müğənni olmaq istəyirəm. Yenə də qismət, bilmək olmaz...

Xəyalə Məmmədova /ATV.az

Foto və video: Səfiyar Məcnun /ATV.az


Bu xəbərləri də oxu

"Bermud üçbucağı"ndan sağ çıxan pilotun - şok açıqlaması - VİDEO

Telefonu limonla, qarpızla şarj etmə YALANI - Bizi bu cür aldadırlarmış - VİDEO

O yazını oxuduqdan dərhal sonra nanəli konfeti ağzına atdı - və boğularaq can verdi - VİDEO

Oxunma sayı:
16.11.2016 12:55
Səhvlər barədə məlumat ver | Bizə xəbər yolla

Oxşar xəbərlər

İşimiz işdir

REDAKTORUN SEÇİMİ