12 Dekabr 2017
Çərşənbə axşamı

Bacı-qardaşı xüsusi amansızlıqla öldürən şəxs ömürlük cəzaya məhkum edilib

07.12.2017 18:09

Bakıda bacı-qardaşı öldürən, analarına isə yaralayan Azər Cəfərovun cinayət işi üzrə məhkəmə iclası davam etdirilib.

ATV.az Lent.az-a istinadən xəbər verir ki, Bakı Ağır Cinayətlər Məhkəməsində hakim Faiq Qəniyevin sədrliyi ilə keçirilən prosesdə dövlət ittihamçısı çıxış edib.

Prokuror çıxışında A.Cəfərovun ömürlük azadlıqdan məhrum edilməsini istəyib.

Daha sonra məhkəmədə hökm oxunub. Hakimlər kollegiyasının hökmünə əsasən, Azər Cəfərov ömürlük azadlıqdan məhrum edilib.

Qeyd edək ki, bu il aprelin 2-də, saat 01:00 radələrində Nərimanov rayonunun Keşlə qəsəbəsində Bakı şəhər sakini Fəridə Qasımovanın üzərində kəsilmiş-deşilmiş xəsarətlər olan meyiti evinin qarşısında tapılıb, onun anası Lətifə Məmmədova isə müxtəlif dərəcəli bədən xəsarətləri ilə xəstəxanaya yerləşdirilib.

Polis və prokurorluq orqanları əməkdaşlarının keçirdikləri istintaq və əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakini, əvvəllər məhkum olunmuş Azər Cəfərov tutulub. Onun idarə etdiyi BMW markalı avtomobilin yük yerinə baxış zamanı oradan L.Məmmədovanın 16 yaşlı oğlu Saqil Qasımzadənin bədən və baş nahiyələrində zorakılıq əlamətləri olan meyiti aşkar edilib. Azər Cəfərov cinayəti etiraf edərək bunu qarət məqsədi ilə törətdiyini bildirib.

Xatırladaq ki, qatilin "qazancı" 242 manat və 207 dollar olmuşdu. 

ATV.az


Bu xəbərləri də oxu

TOP15-də həftənin gözlənilməz qalibi - Aygün Kazımovanı arxa planda qoydu

Qunduzlar məhkəmədə fermerə qalib gəldi

Xurma - Cənnət meyvəsinin faydaları

Oxunma sayı:

Oxşar xəbərlər

Cəmiyyət

REDAKTORUN SEÇİMİ